Зүг бүрт сүлжилдэх хаврын дуучин шувууд, зөндөө удаан
хүлээсэн учрал шиг тогтож ядан нисэлдэнэ. Зүгээр л ийм байхыг хүссэн ч юмуу,
зүгээр ч үгүй сэтгэл шиг минь уймраад л байх шиг.., Сонссон, сонсоогүй элдэв
хэлээр шулнаналдан хөөрөлдөх нь амраг шиг минь ч юм шиг, алагхан үр шиг минь ч
юм шиг.., Хавар бүрийн шувуудын дуунаар сэргэдэг дэлхий ертөнц аанай л өнгө
засан гэрэлтэнэ..,
Хавар, хайр..,
Хавар. Бороо хувингаар цутгах мэт асгараад. Цонхны цаана
дурсамж, бороон дуслуудтай ханьсан үер мэт урсаад.., Яг энэ л цаг мөч нэгэн хэмнэлээр хичнээн ч удаа давтагдав. Энэ
л улиралд дүрэлзсэн бүхэн яг л ийм үед эргэж сэргэдэг бололтой. Хүн төрөлхтний амьдралын
мөчлөгийг хэмжсэн цаг хугцааны хэмжүүрийн мөн чанар энд л орших мэт..,
Life is wonderful..,
Зөөлөн урсах голын чимээг, шувуудын жиргээнээр хөг нэмэн сонсох. Ертөнцийн
ер бусын анир, байгал эхийн урласан гайхамшигт орчинд зохилдон үгээр хэлэхийн
аргагүй тайвширал, басхүү тийм гэхийн эрхгүйгээр сэтгэл хөдөлгөөд. Ерөөс нийгмийн
элдэв бухимдлыг ор мартсан ийм л үед хүн өөрийгөө юу бодож, юу хүсч, юунд
тэмүүлж явдгийг ойлгуулах нь нэн таатай.
Анхны бороо..,
...Бороонд норсон цэцэг минь
Бодолд дарагдасан сэтгэл минь..,
Өнөөдөр анхны бороо зөөлөн шивэрч орлоо. Анхны.., энэ
жилийн хувьд анхны.., бороондоо ч биш анхны гэсэн мэдрэмж л сэтгэл их хөдөлгөх
шиг. Цаснаас уйдсандаа ч биш, бороонд ямар байдгийг мэдэх ч, борооноор алхаагүй
нилээд удсан болохоор цаанаа л нэг таатай.
...нэг сар..,
Блог үүсгээд даруй
нэг сар болсон байна. Урт
хугацаа биш ч нилээд хэдэн бичлэг бичиж, үүнээсээ сэтгэлийн таашаал аваад хэзээний
дасал болсон мэт. Угаасаа л ийм байсан юм шиг. Өөрийнхөө ертөнцийг илэрхийлэх
бололцоо олгодог гайхалтай зүйл юмдаа. Хэнтэй ч хамаагүй сэтгэлээ хуваалцах,
тэр бүрд хэлж амжаагүй үгсээ хайртдаа болон бусад хүмүүст илэрхийлэх гүүр болж
байгаад би их баяртай байгаа.
Subscribe to:
Posts (Atom)